西貢海濱市集第27期（2022年1至3月）攤檔接受申請！
踏入秋冬季節，天氣涼爽，最適合戶外活動及行戶外市集。遠離煩囂到西貢漫遊的話，一定會去埋西貢最美麗的戶外市集，攤檔面對無敵大海景，可以支持本土特色，並吹住海風逛市集，真係好歎！
西貢海濱市集新一期嘅檔主招募，我哋仍然希望可以邀請更多有諗法、有故事嘅檔主加入，令更多人可以認識到有特色嘅自家或手作/本土產品，以及綠色環保及工藝產品等。大家快啲把握機會喺西貢海濱長廊一排排棕櫚樹，麻鷹及各種烏類在樹上及海面飛過嘅環境下，一齊打造香港最美麗嘅戶外市集啦！
==========
日期：2022年1至3月 逢星期六、日及指定公眾假期
時間：11:00am-6:00pm
地點：西貢海濱長廊
每個攤檔保持合適距離及各參加者須遵守相關條例及指引，配合相關措施。詳情請留意參加須知及條款。
截止申請日期：
2021 年 11 月 26 日（星期五）下午5時
結果公佈：
第27期成功申請者或機構將於 2021 年12月 10日 或之前接獲本機構個別通知（電話和電郵），主辦機構恕不另行通知不獲選參加者。另在西貢區社區中心網頁、計劃Facebook及購物天地現場詢問處公佈結果。
==========
支持社會企業 持續發展
西貢擁有「香港後花園」的美譽，有香港寶貴的自然資源，具有獨特豐富的地質和人文歷史。西貢海濱市集善用了西貢海濱長廊的空間，把一個休憩地方賦與新的價值，不單將其在週末及假期時間打造成為一個全港最美麗的戶外藝術及創意市集。市集不單只沉澱著港人的「集體回憶」 ，更是我們社區生活及文化的一部份，亦極具豐富的旅遊價值。這一切一切都是新穎的高樓大廈、有空調的市場和大型商場所不能取代的。
西貢海濱市集更為遊客及香港市民提供了一個消閒及購物的好去處，以及推動西貢區的旅遊事業、帶動地區經濟，更是一個創業的平台，為年青人及想創業的人士實現他們的理想。
