最新消息
首頁 > 最新消息
2020 暑期活動報名日流程

夏天話咁快就到咗,你編排好暑期活動未呀?

 

中心嘅暑期活動報名日將於6月舉行,疫情依然嚴峻,我哋未敢放鬆,雖然好想見你,但係都要先忍一忍!為咗減低人群聚集嘅風險,我哋今年會嘗試派發網上籌號,抽籤報名嘅新安排。

 

各位會員需要喺26/5-30/5期間上網登記籌號抽籤(籌號順序會以隨機抽籤形式編排),然後1/6-5/6期間留意SMS短訊同電話通知結果,再按指定時間嚟中心報名同交費就得啦!

 

注意:
每人(個人會籍)或每個家庭(家庭會籍)只需取一次籌,重覆登記將視為無效。
仲有登記時,請為所有有意參加暑期活動嘅直屬家庭成員填寫資料啊。